Çĕнтерÿ салючĕ

Аслă Çĕнтерĕвĕн 75 çулхи юбилейне халалласа Совет Союзĕн тата Европа хулисене нимĕç фашисчĕсенчен хăтарнă паллă кунсенче Мускавра пĕлтĕрхи апрелĕн 10-мĕшĕнчен тытăнса кăçалхи май уйăхĕн 9-мĕшĕччен пĕтĕмпе 17 салют пама йышăннă. Салюта шăп та лăп 22 сехетре 2А85 салют установкисенчен тата ЗИС-3 артиллери орудийĕсенчен ялкăштараççĕ.

Кăçал Çĕнтерÿ салючĕ январĕн 17-мĕшĕнче – Варшавăна ирĕке кăларнă кун янăранă ĕнтĕ.

Кĕçнерникун, февралĕн 13-мĕшĕнче, вăл тÿпене Будапешта ирĕке кăларнă ятпа хăпарнă. Ку хулана ирĕке кăларас операцие 2-мĕш Украина фрончĕ (Совет Союзĕн маршалĕ Р.Я.Малиновский ертсе пынă), вăл шутра гварди 7-мĕш çарĕ (М.С.Шумилов генерал-полковник); 27-мĕш çар (С.Г.Трофименко генерал-полковник); 3-мĕш Украина фрончĕ (Совет Союзĕн маршалĕ Ф.И.Толбухин), вăл шутра 46-мĕш çар (М.С.Филипповский генерал-майор), 5-мĕш сывлăш çарĕ (С.К.Горюнов), 17-мĕш сывлăш çарĕ (В.А.Судец авиаци генерал-полковникĕ) тата Дунай çар флотилийĕ (Г.Н.Холостяков контр-адмирал) хутшăннă.

Апрелĕн 4-мĕшĕ – Братиславăна ирĕке кăларнă кун. Операцие 2-мĕш Украина фрончĕ (Р.Я.Малиновский), вăл шутра гварди 7-мĕш çарĕ (М.С.Шумилов генерал-полковник); 40-мĕш çар (Ф.Ф.Хемаченко генерал-лейтенант); гварди 6-мĕш танк çарĕ (танк çарĕсен генерал-полковникĕ А.Г.Жавченко); 53-мĕш çар (И.М.Манагаров генерал-лейтенант); гварди 1-мĕш лашапа механизаци ушкăнĕ (И.А.Плиев генерал-лейтенант) 5-мĕш сывлăш çарĕ (С.К.Горюнов генерал-полковник) тата Дунай çар флотилийĕ (Г.Н.Холостяков контр-адмирал) пулăшнипе хутшăннă.

Апрелĕн 13-мĕшĕ – Венăна ирĕке кăларнă кун. Хулана нимĕç фашисчĕсенчен çăлас операцире 3-мĕш Украина фрончĕн (Совет Союзĕн маршалĕ Ф.И.Толбухин), вăл шутра гварди 4-мĕш çарĕ (Н.Д.Захватаев генерал-лейтенант); гварди 9-мĕш çарĕн (В.В.Глаголев генерал-полковник); гварди 9-мĕш танк çарĕн (А.Г.Кравченко генерал-полковник); 2-мĕш Украина çарĕн (Совет Союзĕн маршалĕ Р.Я.Малиновский), вăл шутра 46-мĕш çарĕн (А.В.Петрушевский генерал-лейтенант), çавăн пекех Дунай çар флотилийĕн (Г.Н.Холостяков контр-адмирал) тата 17-мĕш сывлăш çарĕн (В.А.Судец генерал-полковник) тÿпи пысăк.

Май уйăхĕн 2-мĕшĕ – Берлина ирĕке кăларнă кун. Ку операцие 1-мĕш Белорусси фрончĕ (Совет Союзĕн маршалĕ Г.К.Жуков), вăл шутра 47-мĕш çар (Ф.И.Перхорович генерал-лейтенант), 3-мĕш ударнăй çар (В.И.Кузнецов генерал-полковник), 5-мĕш ударнăй çар (Н.Э.Берзарин генерал-полковник), гварди 8-мĕш çарĕ (В.И.Чуйков генерал-полковник), гварди 1-мĕш танк çарĕ (М.Е.Катунов генерал-полковник), гварди 2-мĕш танк çарĕ (С.И. Богданов генерал-полковник); 1-мĕш Украина фрончĕн çарĕсем (Совет Союзĕн маршалĕ И.С.Конев), вăл шутра 28-мĕш çар (А.А.Лучинский генерал-лейтенант), гварди 3-мĕш танк çарĕ (П.С.Рыбалко генерал-полковник), гварди 4-мĕш танк çарĕ (Д.Д.Лелюшенко генерал-полковник), çавăн пекех 2-мĕш сывлăш çарĕ (С.А.Красовский генерал-полковник), 16-мĕш сывлăш çарĕ (С.И. Руденко генерал-полковник), 18-мĕш сывлăш çарĕ (авиацин тĕп маршалĕ А.Е.Головнов) тата Днепр çар флотилийĕ (В.В.Григорьев контр-адмирал) хутшăннă.

Май уйăхĕн 9-мĕшĕ – Прагăна ирĕке кăларнă кун. Ку операцире 1-мĕш Украина фрончĕ (Совет Союзĕн маршалĕ И.С.Конев), вăл шутра гварди 3-мĕш çарĕ (В.Н.Гордов генерал-полковник), гварди 3-мĕш танк çарĕ (П.С.Рыбалко генерал-полковник) тата гварди 4-мĕш танк çарĕ (Д.Д.Лелюшенко генерал-лейтенант) палăрнă.

Светлана ЧИКМЯКОВА.



Районная газета«Çĕнтерÿ çулĕ»
15 февраля 2020
10:07
Поделиться